plantar tomates

Nel mes de marzo ponense les semilles nuna caja con tierra húmeda tapaes con papel de periódicu,(yo fáigolo nel menguante) quítaseyos cuando enpiecen a brotar. Cuando midan unos cuatro centímetros entresáquense, ( les plantes que sobren plántase una en ca tiestu). Cuando alcancen los vente cetimetros trasplántense nun sitiu cariau al sol, separándoles unos cincuenta centímetros unes d´otros (El terreno tien que tar bien abonao) pónseyos un palu fuerte pa amarrales (en sin apretales) según van creciendo. Hay que regales una vez por semana si non llueve. Cuando tengan tomates hay que procurar non chiscalos

Esta ye una manera.

Tamien, se puén poner unes semilles en tiestos separaes pa que non se xunten les raices. Cuando crezcan unos cuatro centímetros, déxase la mas fuerte. Cuando crezcan lo suficiente y tengan el tallu fuerte faise un pozu en tierra abonada, riégase y métese la planta, cuidando que non se suelte la tierra que ta rodiada pola raiz. La tierra del tiestu tién que tar humeda, pa que non se suelte de la raiz al sacar la planta

Los brotes laterales que salen en los ángulos entre la fuella yel tallu ye meyor quitalos pa que el tallu crezca fuerte. Quítense según van saliendo, cuando son pequeños. si nó salen munches rames y descontrólase la planta. Los racimos de flores de donde salen los tomates, salen nel tallu. Les fuelles que mustien quítense