La lluvia ácida

Esti añu pintaba bien,les patates eren grandes les nisales les pescales taben cargaes de nisos y piescos, hasta que 'l día diez de junio empezó a llover y llover. llovió sin parar, muncho muy fuerte y seguio n´Asturies, en dos dís desbordáronse los rios inundando en munchos conceyos, viviendes, garaxes, Hospitales, echando a perder negocios, y güertes, y sigió lloviendo; daba pena velo ...!como quedó todo! . Cuando baxo l' agua los daños que dexó, les tierres de fabes y de maiz, patates, freses y todo cuanto taba semao. Todo quedó fecho una llaceria.

La mio tierra como tá pindia non se inundó, l'agua arrastró la tierra pero les plantes quedaron de pie. Lo que yos pasó, fue que cuando paró de llover empezaron a mustiar, debío a la lluvia ácida. Tamién quedaron dañaos tomates, patates, calabacinos, y hasta les mazanales tienen les fuelles musties.

La lluvia ácida ye devio a los gases que salen de quemar grandes cantidaes de carbón y derivaos del petróleo polos vehículos, fábriques y centrales elléctriques. Fórmense nubes n'atmósfera mézclense col'agua al llover y cola niebla y la neblina, cai nes plantes, y termina con elles. Non taría mal que ca ún pensáramos que la contaminación ye cosa seria y pusiéremos tolos medios posibles pa pone-y remediu.